credits: UppuManga (FaceBook Page)
തേങ്ങാ ചിരവിയത് - ഒരു കപ്പ്‌
വറ്റല്‍ മുളക് - 4 എണ്ണം,എരിവിനു അനുസരിച്ച് കൂട്ടാം.
കറി വേപ്പില - ആറേഴ് ഇല
കുഞ്ഞുള്ളി / ചുവന്നുള്ളി /ചെറിയ ഉള്ളി - 6 എണ്ണം
ഇഞ്ചി - ഒരു ചെറിയ കഷണം കൊത്തി അരിഞ്ഞത്
വാളന്‍ പുളി - ഒരു നെല്ലിക്ക വലുപ്പത്തില്‍
ഉപ്പ് - പാകത്തിന്
വെളിച്ചെണ്ണ - ഒരു ടീസ്പൂണ്‍
ഉണ്ടാക്കുന്ന വിധം :
ഒരു പാനില്‍ വെളിച്ചെണ്ണ ഒഴിച്ച് ചൂടായാല്‍ വറ്റല്‍ മുളകും കുഞ്ഞുള്ളിയും കറി വേപ്പിലയും വറുക്കുക. രണ്ടോ മൂന്നോ മിനിറ്റ് വറുത്താല്‍ മതി.കരിഞ്ഞു പോകാതെ നോക്കണം .
:
വറുത്തതിന്റെ മണം വരുമ്പോള്‍ തേങ്ങാ കൂടി ചേര്‍ത്ത് ഇളക്കണം ,തേങ്ങാ നിറം മാറേണ്ട ആവശ്യമില്ല. ഇനി തീ അണച്ച് ചൂട് ആറാന്‍ വയ്ക്കുക.
ചൂട് ആറിയതിനു ശേഷം ഇഞ്ചിയും വാളന്‍ പുളിയും ഉപ്പും കൂടി ഇതില്‍ ചേര്‍ത്ത് അമ്മിക്കല്ലില്‍ അരച്ച് എടുക്കുക. (അമ്മിക്കല്ല് ഇല്ലാത്തവര്‍ മിക്സര്‍ ജാര്‍ ഉപയോഗിയ്ക്കുക. ഇതില്‍ അരയ്ക്കുമ്പോള്‍ അര സ്പൂണ്‍ വെള്ളം ചേര്‍ക്കാം.)
.സ്വാദിഷ്ടമായ സ്പെഷ്യല്‍ തേങ്ങാ ചമ്മന്തി തയ്യാര്‍ .ഇനി ചൂട് ചോറിന്റെയോ കഞ്ഞിയുടെയോ കൂടെ കഴിയ്ക്കാം .
ടിപ്സ് ;
വാളന്‍ പുളി ചേര്‍ക്കുന്നത്തിന്റെ അളവ് നിങ്ങളുടെ കയ്യില്‍ ഇരിക്കുന്ന പുളിയുടെ പുളി രുചി അനുസരിച്ച് ആയിരിക്കണം
No comments:
Post a Comment